నాగ్ అశ్విన్ సినిమాతో సెంచరీ కొడుతున్న ప్రభాస్...!
బాహుబలి సినిమా తరువాత ప్రభాస్ రేంజ్ ఒక్కసారిగా పెరిగి పోయింది. అప్పటినుండి ప్రభాస్ తీసే ప్రతి సినిమా ప్యాన్ ఇండియా లెవల్‌లో విడుదలవుతున్నాయి. బాహుబలి తర్వాత సుజిత్ దర్శకత్వంలో తెరకెక్కిన ‘సాహో’ సినిమాను ప్యాన్ ఇండియా లెవల్‌లో విడుదలైంది. ఈ సినిమాకు ఫస్ట్ డే నే నెగిటివ్ టాక్ తెచ్చుకున్న ఓవరాల్‌గా రూ.400 కోట్ల గ్రాస్ వసూళ్లను సాధించి ప్రభాస్ స్టామినా ఏంటో ప్రూవ్ చేసింది. ‘సాహో’ తర్వాత ప్రభాస్.. రాధాకృష్ణ దర్శకత్వంలో ఒక సినిమా చేస్తున్నాడు. పూర్తి లవ్ ఎంటర్టేనర్‌గా తెరకెక్కుతోన్న ఈ సినిమాలో ప్రభాస్ సరసన పూజా హెగ్డే హీరోయిన్‌గా నటిస్తోంది.
అయితే ప్రభాస్ ఈ సినిమా తరువాత నాగ్ అశ్విన్ దర్శకత్వంలో ఓ సైన్స్ ఫిక్షన్ సినిమా చేస్తున్నాడు. ఈ సినిమాను ప్యాన్ ఇండియా లెవల్‌లో కాదు ప్యాన్ వరల్డ్ రేంజ్‌లో ఉంటుందని నాగ్ అశ్విన్ చెప్పాడు. ఈ సినిమా కోసం ప్రభాస్.. ఏకంగా 100 కోట్ల వరకు పారితోషకం తీసుకుంటున్నాడని అలాగే ఒక ఏడాదిలో ప్రాజెక్ట్ కంప్లీట్ చేయాలని చెప్పినట్టు టాలీవుడ్ లో ఓ పుకారు చెక్కర్లు కొడుతుంది. అయితే ఈ సినిమాని వైజయంతి మూవీస్ బ్యానర్‌లో సి.అశ్వినీదత్ నిర్మిస్తున్నాడు. చూడాలి మరి ఏం జరుగుతుందో.