ఉప్పెన విడుదల ఎప్పుడంటే?

మెగా కుటుంబం నుంచి చాలా మంది హీరోలు వెండి తెరకు పరిచయం అయ్యారు. ఇప్పుడు అదే తరహాలో తెలుగు ప్రేక్షకుల ముందుకు వచ్చేందుకు మెగా హీరో వైష్ణవ్ తేజ్ చూస్తున్నాడు. అందులో భాగంగా వైష్ణవ్ ఉప్పెన సినిమాను చేశాడు. కానీ ఈ ఇప్పటి వరకు విడుదల కాలేదు. అంతేకాకుండా ఈ సినిమా విడుదలపై క్లారిటీ లేదు. ఈ సినిమా చిత్రీకరణ మొత్తం పూర్తి చేసుకొని మెగా హీరోను పరిచయం చేసేందుకు సర్వసన్నద్దంగా ఉంది. కానీ సినిమా విడుదల మాత్రం వరుస వాయిదాలు పడుతోంది. నిజానికి ఈ సినిమా గతేడాది ఏప్రిల్‌లో విడుదల కావాల్సిఉంది. కానీ కరోనా కారణంగా ఆగిపోయింది. ఆ తరువాత థియేటర్ల తెరుచుకున్నాక థియేటర్లలో ఈ సినిమా బొమ్మ పడుద్దని అనుకున్నారు. అది కూడా జరగలేదు. ఈ సినిమా సంక్రాంతికి విడుదలైతే రెవెన్యూ పరంగా కూడా బాగుండేది. కానీ చిత్ర బృందం ఎటువంటి ప్రకటన చేయలేదు. తాజా సమాచారం ప్రకారం ఈ సినిమాను ఫిబ్రవరీలో విడుదల చేయానుకుంటున్నారట. అయితే ఈ సినిమా పండగకు వచ్చుంటే పెట్టిన బడ్జెట్ వసూలు కావడం కాస్త సులభతరం అయ్యేది. కానీ ఫిబ్రవరీ అంటే ఏమాత్రం రికవరీ చేస్తుందనేది వేచి చూడాలి. ఈ సినిమాకు విజయ్ సేతుపతి కీలక పాత్ర అట్రాక్షన్‌గా నిలువనుంది. ఇదిలా ఉంటే ఈ సినిమా విడుదల గురించి ఇప్పటికే పలుమార్లు ప్రకటించి తరువాత కుదరక చిత్రబృందం వెనుదిరిగింది. మరి ఈ సారైనా అనుకున్న విధంగా జరిగితే ఫిబ్రవరీలో ప్రేక్షకులను అలరించేందుకు  ఈసినిమా థియేటర్లలోకి వచ్చేస్తుంది. మరి ఈ సినిమా అనుకున్న రేంజ్‌లో ఆడుతుందో లేదో వేచి చూడాలి.