హైద‌రాబాద్ కు ర‌జి‌నీకాంత్

సౌత్ సూపర్ రజినీకాంత్ గత నెలలో చెన్నైలో 'అన్నాత్తే' షూటింగ్ ను తిరిగి ప్రారంభించారు. తదుపరి షెడ్యూల్ హైదరాబాద్ లోని రామోజీ ఫిల్మ్ సిటీలో చిత్రీకరించనున్నారు. సిరుతై శివ దర్శకత్వం వహించిన 'అన్నాత్తే' ఈ ఏడాది నవంబర్ 4న విడుదల కానుంది. సినిమా షూటింగ్ కోసం హైదరాబాద్ బయలుదేరిన రజినీకాంత్ చెన్నై ఎయిర్ పోర్టులో కన్పించారు. చెన్నై నుండి హైద‌రాబాద్ బ‌య‌లుదేరుతున్న స‌మ‌యంలో ఆయ‌న అభిమానులు పెద్ద ఎత్తున ఇంటి వ‌ద్ద త‌లైవా అంటూ నినాదాలు చేశారు. వారికి అభివాదం చేసి ర‌జినీకాంత్ హైద‌రాబాద్ చేరుకున్నాడు. సన్ పిక్చర్స్ బ్యానర్ పై కళానిధి మారన్ నిర్మిస్తున్న ఈ భారీ బడ్జెట్ చిత్రంలో మీనా, ఖుష్బూ, కీర్తి సురేష్, నయనతార, జగపతి బాబు, ప్రకాష్ రాజ్ కీలకపాత్రల్లో నటిస్తున్నారు.