జకోవిచ్‌కు షాక్‌.. రెండోసారి వీసా రద్దు
ఆస్ట్రేలియా ప్రభుత్వం టెన్నిస్ స్టార్‌ జకోవిచ్‌కు పెద్ద షాక్‌ ఇచ్చింది.. రెండోసారి కూడా జకోవిచ్ వీసాను రద్దు చేస్తున్నట్టు ప్రకటించింది.. ఈ టెన్నీస్‌ స్టార్‌పై మూడేళ్లపాటు నిషేధం విధించింది ఆసీస్‌.. కరోనా నిబంధనలు పాటించనందుకు వీసా రద్దు చేస్తున్నట్టు స్పష్టం చేసింది.. కాగా, ఆస్ట్రేలియా ఓపెన్ కోసం ఇటీవలే మెల్‌బోర్న్‌ వెళ్లారు జకోవిచ్.. అయితే, అనూహ్యంగా ఎయిర్‌పోర్ట్‌ నుంచే జకోవిచ్‌కు వెనక్కి పంపించారు అధికారులు.. తాజాగా, మరోసారి వీసాను రద్దు చేయడంతో.. ఆస్ట్రేలియా ఓపెన్‌లో జకోవిచ్ పాల్గొనే అవకాశం లేకుండా పోయింది.. ఈసారి ఎలాగైనా ఈ టైటిల్‌ గెలిచి కొత్త రికార్డులు సృష్టించాలని భావించిన జకోవిచ్ ఆశలపై నీళ్లు చల్లింది.
కాగా, రెండు డోసుల వ్యాక్సిన్ వేసుకున్నవారికే ఆస్ట్రేలియా ఓపెన్‌లో పాల్గొనేలా నిబంధనలున్నాయి.. కానీ, కోవిడ్ -19 వ్యాక్సిన్ లేకుండా దేశానికి వచ్చారు టెన్నిస్ సూపర్ స్టార్‌ జకోవిచ్.. అతడిని బహిష్కరించాలని కోరడంతో ఆస్ట్రేలియా ప్రభుత్వం శుక్రవారం రెండోసారి నోవాక్ జకోవిచ్ వీసాను రద్దు చేసింది. ఇమ్మిగ్రేషన్ మంత్రి అలెక్స్ హాక్ మాట్లాడుతూ.. ప్రజా ప్రయోజనాలను దృష్టిలో ఉంచుకుని చర్య తీసుకున్నట్లు వెల్లడించారు.. ప్రధాన మంత్రి స్కాట్ మోరిసన్ ప్రభుత్వం ఆస్ట్రేలియా సరిహద్దులను రక్షించడానికి దృఢ సంకల్పంతో ఉందని.. కోవిడ్ 19 మహమ్మారిపై కట్టడికి పోరాటం చేస్తున్నామని తెలిపారు.. ఆసీస్‌ సర్కార్‌ తాజా నిర్ణయంతో.. కొన్ని పరిస్థితుల్లో మినహా, మూడు సంవత్సరాల పాటు ఆస్ట్రేలియన్ వీసా నుండి జకోవిచ్ నిషేధించబడతాడు.. వీసాపై ఆస్ట్రేలియాతో తేల్చేయడంతో ఈ టెన్నీస్‌ స్టార్‌ 10వ ఆస్ట్రేలియన్ ఓపెన్ టైటిల్‌ కలతో పాటు రికార్డు స్థాయిలో 21వ గ్రాండ్‌స్లామ్‌ను సాధించాలన్న తన టార్గెట్‌ కూడా ప్రస్తుతానికి ప్రమాదంలో పడిపోయింది.