Ajith – Shalini : సినీ ఇండస్ట్రీలో మోస్ట్ సక్సెస్ ఫుల్, స్వీటెస్ట్ కపుల్ అజిత్ షాలిని. వారు పెళ్లి చేసుకుని 22ఏళ్లు గడిచిపోయింది. రేపు వారి 23వ వివాహ వార్షికోత్సవాన్ని జరుపుకుంటున్నారు. ఎవర్ గ్రీన్ జంటకు ఈ సందర్భంగా అభిమానులు సోషల్ మీడియాలో శుభాకాంక్షలు తెలుపుతున్నారు. అజిత్ – షాలిని ప్రేమకు ప్రతీకగా అనోష్క అనే కూతురు, అద్విక్ అనే కొడుకు కలిగారు. ఇద్దరూ ఏప్రిల్ 24, 2000న వివాహం చేసుకున్నప్పటికీ, అంతకు ముందు వారిద్దరూ కొంతకాలం డేటింగ్‌లో ఉన్నారు.నటి షాలిని తొలుత చైల్డ్ ఆర్టిస్టుగా నటించింది. మలయాళంలో ‘అనియతి ప్రవు’, ‘నక్షత్రధరతు’ వంటి చిత్రాలతో కథానాయికగా తెరంగేట్రం చేసింది. తమిళంలో ‘అనియతి ప్రవు’ రీమేక్ చేయబడింది. ఈ సినిమా విజయం సాధించడంతో దర్శకుడు శరణ్.. అజిత్ నటించిన అమర్కలం సినిమా కోసం షాలినిని సంప్రదించాడు. షాలిని తన చదువుపై దృష్టి పెట్టాలనుకుని ఆఫర్‌ను తిరస్కరించింది. నటుడు అజిత్ జోక్యం చేసుకుని షూట్ తన చదువుకు ఆటంకం కలిగించదని హామీ ఇచ్చారు. అందమైన ప్రేమకథకి ఇదే ప్రారంభం. ఈ విషయాన్ని అజిత్ ఓ పాత ఇంటర్వ్యూలో చెప్పాడు.
ఈ సినిమాలో ఫైట్ సీన్ షూట్ చేస్తున్నప్పుడు షాలిని మణికట్టుకు గాయమైంది. ప్రమాదవశాత్తూ షాలిని చేయి కత్తితో కోసుకుంది. బాధతో ఏడుస్తున్న షాలినిని చూసి అజిత్ కి గిల్టీ అనిపించింది. అమర్కలం సినిమా షూటింగ్ ముగిసిన తర్వాత అజిత్ షాలినికి ప్రపోజ్ చేశాడు. అప్పుడు షాలిని భయంతోనే ఒప్పుకుంది. కానీ.. షాలిని తాను నటిస్తున్న సినిమాలను పూర్తి చేసిన తర్వాత వైవాహిక జీవితంలోకి ప్రవేశించింది. వారి వివాహం ఏప్రిల్ 24, 2000న జరిగింది. రేపు తన 23వ వివాహ వార్షికోత్సవానికి ముందు, షాలిని తన భర్త అజిత్ తన చెంపను పట్టుకున్న చిత్రాన్ని విడుదల చేసింది.
